Sihlobo meen dat robuuste trekkerverkope, vooruitsigte vir nog 'n La Niña-weerstelsel (al is dit swakker as verlede seisoen), en relatief hoë kommoditeitspryse bydra tot die verwagte toename in die aantal hektaar wat vir grane en oliesade geoormerk word.
Volgens die Nasionale Oesskattingskomitee se jongste statistieke het kommersiële produsente die voorneme uitgespreek om in 2023 nagenoeg 2,6 miljoen hektaar mielies te plant, wat 1,2% (32 000ha) minder was as die net meer as 2,62 miljoen hektaar van die vorige seisoen.
Aanduidings is dat boere beplan om net meer as 1,5 miljoen hektaar witmielies te plant, 73 000 ha (4,6%) minder as in die vorige seisoen. In die geval van geel mielies is die verwagte aanplantings sowat 1,09 miljoen hektaar, 41 000 ha (3,9%) meer as in die vorige seisoen.
Vir sonneblomsaad is voorspel dat die verwagte oppervlakte-aanplantings 580 500ha sal bereik, 13,4% (90 200ha) minder as die 670 700ha wat in die vorige seisoen geplant is.
Die beoogde aanplantings vir sojabone dui op ‘n toename van 16,2%, of 150 200ha meer as die vorige seisoen se 925 300ha. Die totale aantal hektaar wat vir hierdie oes in die komende seisoen geoormerk is, is byna 1,08 miljoen hektaar.
Die aanplantings vir grondbone sal na verwagting met 20,5% of 8 900ha afneem, van 43 400ha tot 34 500ha. In die geval van sorghum word verwag dat aanplantings met 11% of 4 100ha tot 33 100ha sal afneem, vergeleke met die 2021/22-seisoen.
Die verwagte aanplantings vir droëbone word geskat op 37 200ha, wat 13,3% of 5 700ha minder is as in die vorige seisoen.
* Hierdie artikel het oorspronklik in Farmer’s Weekly verskyn.
