Maatskappyprofiel

AGRI CS BATEFINANSIERING

Die Agri CS Batefinansieringshandelsmerk bied omvattende finansiële dienste, gefokus op roerende bates.

MOLEMI SELE

Molemi Sele Management is die eienaar van 'n selversekeringskema vir kredietlewens-versekering binne Guardrisk Lewens. Molemi Sele Management fokus op die onderskry-wings¬risiko's binne die kredietlewensversekeringsdomein.

CERTISURE

Die Certisure Groep is 'n versekeringsgroep, wat spesialiseer in finansiële beplanning, bate-, oes-, kredietlewens-, korporatiewe en wildversekering, sowel as begrafnisdekking en mediese skemas. Certisure bied makelaars- en administratiewe dienste, sowel as finansiële beplanningsoplossings, wat die risikobehoeftes van kliënte aanspreek en oplossings bied.

RADDIX

Die Raddix Groep lewer versekeringsmakelaars- en intermediêre dienste, sowel as finansiële beplanningsoplossings regoor verskeie marksegmente. Intermediêre dienste word regoor die persoonlike, kommersiële, landbou- en oesversekeringsegmente gelewer, terwyl makelaarsdienste vir lewensversekering gelewer word in 'n wye verskeidenheid van segmente.

SS WEALTH PLANNING

SS Wealth Planning is 'n gemagtigde finansiële diensteverskaffer wat welvaartskepping fasiliteer, by wyse van 'n wye reeks welvaartbeplannings- en verwante dienste ten einde langtermyn finansiële gemoedsrus vir kliënte te verseker.

THOBO TRUST

Thobo Trust is ’n onafhanklike trust en strategiese vennoot vir Senwes se breë-basis swart ekonomiese bemagtigings- en sosio-ekonomiese ontwikkelingsdoelwitte.

Gemeenskappe waar Senwes besigheid bedryf, trek die meeste voordeel uit hierdie besigheidsmodel.

HINTERLAND GROEP

Die Hinterland Groep, wat beide Senwes Village en Suidwes handelstakke insluit, spesialiseer in die verskaffing van insetprodukte vir 'n verskeidenheid boerderypraktyke deur sy kleinhandel- en brandstofbesighede. Die groep bied ook 'n wye reeks hardeware en geriefsprodukte aan die algemene publiek.

JDI

JD Implemente verbreed Senwes Equipment se geografiese voetspoor deur landbou-meganisasie- en instandhoudingsoplossings in die Wes- en Oos-Kaap te bied.

STAALMEESTER

Staalmeester vergroot Senwes Equipment se produkaanbieding deur die vervaardiging en invoer van landboutoerusting vir klein en mediumgrootte landbouers.

FALCON

Falcon vergroot Senwes Equipment se mededingende voordeel in die landbousektor deur die vervaardiging en verspreiding van onderdele en implemente, wat deur 'n trekker getrek word, aan die Suid-Afrikaanse en sub-Sahara landbou- en grasbaanmarkte.

KLK

Die KLK Landbou Groep het ten doel om deur sy kleinhandelstakke en Build It winkels, sowel as sy groothandel- en kleinhandelbrandstofbesighede, landbou-insetprodukte en verskeie geriefsprodukte aan die algemene publiek te versprei en te verkoop.

BASTION

Die Bastion Groep spesialiseer in die produksie en bemarking van hoë kwaliteit kalk- en gipsprodukte vir landbou en industriële doeleindes.

AGRINET

Agrinet en Prodist is groothandelaars en verspreiders van 'n wye verskeidenheid industriële produkte en algemene ware, besproeiingsreekse en handelsmarkte in Suid-Afrika en buurstate. Agrinet is in die proses om by Prodist ingelyf te word.

PROTEK

Protek bied oplossings vir huis- en tuinplaagbeheer en plantvoeding. Sy produkte word deur toonaangewende hardewarewinkels, kwekerye, kettingwinkels, koöperasies en onafhanklike kleinhandelaars regdeur Suid-Afrika versprei.

NVIROTEK

NviroTek Laboratoriums is een van die grootste onafhanklike landboulaboratoriums in Suidelike Afrika. Die groep voer 'n menigte laboratoriumtoetse uit ten einde bystand te verleen met besluitnemingsprosesse regoor verskeie sektore.

SENWES LANDBOUDIENSTE

Senwes Landboudienste spesialiseer in landbou-ekonomiese dienste, prestasie en tegniese effektiwiteitsanalises en -vergelykings.

GRAANMARKINTELLIGENSIE

Graanmarkintelligensie fokus op hoëwaarskynlikheidsverhandeling en -opsieboek, graanverkryging, besluitneming met betrekking tot voorraad, voorraadaanbiedings via Basislink, lewering en die ontwerp van oplossings.

GRAINOVATION

Grainovation bied gespesialiseerde logistieke oplossings aan beide die produsent en die afnemer van graan en oliesade.

ELECTRONIC SILO CERTIFICATES

Electronic Silo Certificates bied 'n veilige en effektiewe wyse waarop elektroniese silosertifikate via die internet of slimfone bestuur kan word.

SENWES SAAD

Senwes Saad het homself oor dekades gevestig as 'n uitstekende saadverwerker met 'n goeie reputasie onder produsente in die mark.

SENWES GRAANMAKELAARS

Senwes Graanmakelaars tree op as ’n makelaarsagent vir kliënte wat toegang tot die JSE (Safex) Landboukommoditeitsafdeling wil verkry.

Senwes Graanmakelaars bied ’n geleentheid vir produsente, verbruikers en spekulante om potensiële markgeleenthede te verskans of daaraan deel te neem.

KLK

Die KLK Landbou Groep spesialiseer in die verkryging, verwerking, verspreiding en verkoop van landboubenodigdhede, -produkte, -dienste en nisprodukte in die Noord-Kaap deur sy kleinhandel-, lewendehawe-, brandstof-, motoragentskap- en finansiële dienstebesighede.

SUIDWES

Suidwes Holdings het gegroei tot 'n groot en gerespekteerde landboubesigheid. Dit is geografies een van die grootste landboubesighede in Suid-Afrika en bedien 'n oppervlakte van 13,5 miljoen hektaar.

CARPE DIEM RAISINS

Carpe Diem Raisins is 'n gevestigde handelsmerk in die internasionale rosyntjiemark. Carpe Diem Raisins koop, verwerk en verpak rosyntjies wat organies geproduseer word langs die Oranjerivier, en bemark dit in hoofsaak aan die internasionale mark.

KLK VOERKRAAL, ABATTOIRS EN AFSLAERS

Die KLK skaapvoerkraal verseker dat diere markgereed gemaak word. KLK se abattoirs en afslaerspersele hanteer die slag en verkoop van skaap- en beeskarkasse in die Noord-Kaap.

AFRICUM MILLS

Africum Mills is in Wolmaransstad in die Noordwes provinsie geleë en is gekoppel aan die groep se Wolmaransstad silo. Die meule kan verskeie mielieprodukte produseer. Africum Mills is nie tans in gebruik nie en word gehou vir verkoop.

BOTSELO MILLS

Botselo Mills is 'n familiebesigheid geleë in Delareyville in die Noordwes provinsie. Botselo Mills produseer 'n groot verskeidenheid kwaliteit wit- en geelmielieprodukte. Die meule het 'n ook 'n bieraanleg, wat sy eie gespesialiseerde bierpoeier produseer. Senwes se aandeelhouding in Botselo Mills word tans gehou vir verkoop.

SA DORPER

SA Dorper hanteer die verwerking en uitvoer van Dorpervelle en beeshuide.

KLK

Die KLK Landbou Groep spesialiseer in die verkryging, verwerking, verspreiding en verkoop van landboubenodigdhede, -produkte, -dienste en nisprodukte in die Noord-Kaap deur sy kleinhandel-, lewendehawe-, brandstof-, motoragentskap- en finansiële dienstebesighede.

SUIDWES

Suidwes Holdings het gegroei tot 'n groot en gerespekteerde landboubesigheid. Dit is geografies een van die grootste landboubesighede in Suid-Afrika en bedien 'n oppervlakte van 13,5 miljoen hektaar.